საქართველოს მესამე პრეზიდენტმა მიხეილ სააკაშვილმა, რომელიც ამჟამად ოდესის ოლქის ადმინისტრაციის ხელმძღვანელია, "ფეისბუქის" საკუთარ გვერდზე ლაივის დროს, როდესაც მოქალაქეთა შეკითხვებს უპასუხა, არ დააკონკრეტა, როდის აპირებს დაბრუნებას საქართველოში.ერთ-ერთი ინტერნეტმომხმარებლის შეკითხვა სწორედ ამ საკითხს ეხებოდა, როცა ის დაინტერესდა, აპირებდა თუ არა სააკაშვილი საქართველოში დაბრუნებას 5 ოქტომბერს. ამ შეკითხვაზე მიხეილ სააკაშვილმა ასე უპასუხა:"დავბრუნდები თუ არა 5 ოქტომბერს? მოდით, ინტრიგა დავტოვოთ, რა… ნუ ანერვიულებთ იმ კაცს, ისედაც ახლახან დალია სტაფილოს წვენი… მაგრამ აუცილებლად დავბრუნდები!", – თქვა მან, ლაივის ბოლოს კი დაამატა:"მომენატრა ჩემი ვენახი, მომენატრა ანაკლია, მომენატრა ბევრი რამ, რა ვიცი… ივანიშვილის გარდა, ყველანი მომენატრეთ…"
წყარო: www.fmabkhazia.com