დღეს დილით ბათუმში ე.წ.,, ბენზეს'' დასახლებაში სამწუხარო შემთხვევა მოხდა.
ბათუმის მედიის ცნობით, თორმეტსართულიანი კორპუსების წინამდებარე ტერიტორიაზე არსებული შადრევნის აუზში ბავშვი ჩავარდა. როგორც აღმოჩნდა, დაზიანებული იყო ელექტრო გაყვანილობა, და დაელექტროებულ წყალში ჩავარდნილ ბავშვს დენმა დაარტყა. ელექტროტრავმა მიიღო მის საშველად წყალში შესულმა მამამაც, იგი სამედიცინო ბრიგადას უგონო მდგომარეობაში დახვდა. მამა- შვილი უცხოეთის მოქალაქეა, მამაკაცი 35 წლისაა, ბავშვი – სამი წლის.
ბათუმის სასწრაფო სამედიცინო დახმარების ცენტრში აცხადებენ, რომ დაშავებულები დროულად ამოიყვანეს აუზიდან, თუმცა მამაკაცი უვე მძიმე, უგონო მდგომარეობაში იყო, იგი რეფერალურ საავადმყოფოშია გადაყვანილი, ხოლო ბავშვი, რომელიც შედარებით უკეთეს მდგომარეობაშია ბავშვთა საავადმყოფოშია მოთავსებული.