საქართველოს სახალხო დამცველმა უჩა ნანუაშვილმა ადგილობრივ არასამთავრობო და საერთაშორსო ორგანიზაციების წარმომადგენლებს სამეგრელოსა და აფხაზეთის გამყოფ ხაზზე მცხოვრები მოსახლეობის სოციალურ-ეკონომიკური უფლებების მდგომარეობისა და უსაფრთხოების საკითხებზე სპეციალური ანგარიში წარუდგინა, მან ასევე ინფორმაცია მიიღო სოფლების , ხურჩის ფახულანისა და წყოუშის მოსახლეობის მდგომარეობის შესახებ.“ხურჩაში, ისევე როგორც გამყოფი ხაზის სხვა სოფლებში ხშირია უკანონო დაკავებები „საზღვრის უკანონო გადაკვეთის“ ბრალდებით. დაკავებულებს შორის წლების განმავლობაში იყვნენ სკოლის მოსწავლეები, სოფლის ადგილობრივი მაცხოვრებლები და გალის მოსახლეობა.სოფელ ხურჩას მოსახლეობა 1993-1998 და 2008 წლებში საომარი მოქმედებების შედეგად მიყენებული ზიანის სრულყოფილად ანაზღაურებას ითხოვს, რაც მათ დღემდე არ მიუღიათ.“- განაცხადა უჩა ნანუაშვილმა.საქართველოს სახალხო დამცველმა რეკომენდაციით მიმართა შესაბამის სტრუქტურებს , რომ ადგილზე შეისწავლონ გამყოფ ხაზთან არსებული სოცილურ ეკონომიკური პრობლემები.
ადამიანის უფლებების მდგომარეობა სამეგრელოს-ზემო სვანეთის გამყოფი ხაზის სოფლებში- შეხვედრა სახალხო დამცველის ზუგდიდის ოფისში
Published on