19 სექტემბერს გადაცემა არჩევანში ფრაქცია რესპუბლიკელების წევრმა და პარტიის მაჟორიტარობის კანდიდატმა გიორგი თოდუამ ტელეკომპანია „ოდიშის“ ჟურნალისტის ნანა ქობალიას მიერ დასმულ შეკითხვაზე საკრებულოში ყოფნის დროს ფრაქცია რესპუბლიკელები რატომ უჭერდნენ მხარს „ქართული ოცნების“ მიერ მიღებულ ყველა გადაწყვეტილებას და რა შეიცვალა ბოლო ორი სხდომაზე, გიორგი თოდუას პასუხი ასეთი იყო:
„ფრაქცია რესპუბლიკელები ქალაქის საკრებულოში იყო ყველაზე აქტიური და გამოირჩეოდა აქტიურობით, მაშინ როდესაც ჩვენ გვქონდა მკაფიო პოლემიკა ნაციონალური მოძრაობის წარმომადგენლებთან. არავის არ ახსოვს „ქართული ოცნება“ წინააღმდეგობასთან „ნაციონალურ მოძრაობასთან.“ ჩვენი ინიციატივით ძალიან მნიშვნელოვანი პროექტები განხორციელდა.ჩვენ მხარი დავუჭირეთ ბინათმესაკუთრეთა ამხანაგობის პროგრამას, ჩვენ ასევე ვმუშაობდით სხვადასხვა მიმართულებით, სოციალური, ინფრასტრუქტურული მიმართულებით, ჩვენ მხარს ვუჭერდით პრივატიზაციის პროცესს და შედეგად რამოდენიმე მილიონი დამატებითი შემოსავალი იქნა მიღებული თვითმმართველ ქალაქში. და ის, რაც დღეს ყველაზე მნიშვნელოვანია, ის რომ დღეს ზუგდიდი არის თვითმმართველი ქალაქი, ეს არის სწორედ ჩვენი, რესპუბლიკელების დამსახურება, შედეგად გაორმაგდა ბიუჯეტი თვითმმართველი ქალაქის, როგორც მუნიციპალიტეტის, ასევე ქალაქის. „- აღნიშნა გიორგი თოდუამ. ჟურნალისტმა მას ბოლო საკრებულოს სხდომა შეახსენა, სადაც რესპუბლიკელებმა მხარი არ დაუჭირეს პრივატიზაციის გეგმის დამტკიცების საკითხს და გამოთქვეს შენიშვნა, რომ საკრებულოს წესად ექცა იმავე დღეს შემოსული საკითხის გადაწყვეტა.“ ყოფილა მაგალითები საკითხების გადადების, როცა არ ვეთანხმებოდით და ეს ძალიან კარგად ახსოვს თითოეულ თანაქალაქელს.“- განაცხადა თოდუამ, თუმცა მან ვერ გაიხსენა ვერ ერთი საკითხი, რომელსაც რესპუბლიკელებმა მხარი არ დაუჭირეს.