ნაციონალურმა მოძრაობამ კობა ნაყოფია სენაკის ამომრჩეველს წარუდგინა. მაჟორიტარი დეპუტატობის კანდიდატმა შეკრებილებს ქალაქის ცენტრში, მოსწავლე ახალგაზრდობის პარკში მიმართა და საარჩევნო პროგრამა გააცნო.მან აქცენტი გაჩერებული პროექტების განახლებაზე, მოხსნილი სოციალური დახმარების აღდგენასა და კანონში შესაბამისი ცვლილების შეტანაზე გააკეთა."გვჯერა, რომ ჩვენი ხალხი გააკეთებს სწორ არჩევანს იმ მომავლის სასარგებლოდ, რომელიც მოიტანს დასაქმებას, გაზრდილ პენსიას, უკეთეს ცხოვრებას, ასევე წინ წასულ ქვეყანას და ოჯახებს, სადაც ადამიანებს აღარ ეშინიათ ხვალინდელი დღის დადგომა," – განაცხადა ერთიანი ნაციონალური მოძრაობის პოლიტიკური საბჭოს თავმჯდომარემ დავით ბაქარაძემ.