ზესტაფონში რესპუბლიკური პარტიის მაჟორიტარი დეპუტატობის კანდიდატი თინა ხიდაშელი იქნება. ის პარტიის ლიდერმა დავით უსუფაშვილმა წარადგინა. მათ ამომრჩევლებს საარჩევნო პროგრამა გააცნეს.„არსებობს პოლიტიკური ამოცანები, რომელიც ქვეყნის წინაშე დგას. მაგალითად, უსაფრთხოების ამოცანები, მაგრამ არსებობს ამოცანები, რომელიც ჩვენს ქვეყანაში მცხოვრები ადამიანების ოჯახების წინაშე დგას. თუ ამ ორის ერთობლიობა არ მოხდა, შეუძლებელია წარმატებაზე ვისაუბროთ,“ – განაცხადა თინა ხიდაშელმა.