რუსეთის საპარლამენტო არჩევნების ჩატარებას ოკუპირებულ ტერიტორიებზე უკანონოს უწოდებს სამოქალაქო შერიგებისა და თანასწორობის საკითხებში სახელმწიფო მინისტრი.ქეთევან ციხელაშვილის თქმით, საქართველოს ხელისუფლებამ უკვე მოუწოდა სათანადო რეაგირებისკენ საერთაშორისო თანამეგობრობას.„საერთაშორისო თანამეგობრობას მოუწოდა საქართველოს მთავრობამ შესაბამისი რეაგირებისკენ. ეს არ არის პირველი შემთხვევა, როდესაც რუსეთის ფედერაციაში მიმდინარე არჩევნებში მონაწილეობას იღებენ და იხსნება საარჩევნო უბნები ოკუპირებულ ტერიტორიაზე. ყველა ამ შემთხვევაში საქართველოს მხრიდან მოჰყვება მკვეთრი რეაგირება და იმის ცალსახად გაცხადება, რომ ეს არის უკანონო პროცესი,“ – განაცხადა ქეთევან ციხელაშვილმა.
ოპოზიციაში კი ფიქრობენ, რომ ეს ქმედება კიდევ ერთხელ ადასტურებს საქართველოს ხელისუფლების არასწორ პოლიტიკას. მათი აზრით, ამ პროვოკაციულ ქმედებაზე კონკრეტული ნაბიჯების გადადგმაა საჭირო.. ამ დროისათვის რუსეთში ხმების 80 % დათვლილი,მმართველი პარტია 54,28% ლიდერობს.