ბლოკ ”პაატა ბურჭულაძე-სახელმწიფო ხალხისთვის” ერთ-ერთმა ლიდერმა, დავით ჯანდიერმა დღეს დაანონსებულიპრესკონფერენცია გამართა.
დავით ჯანდიერი გამოეხმაურა თბილისის საქალაქო სასამართლოს დადგენილებას პოლიტიკური ძალის 4 შემომწირველის 10 000 ლარით დაჯარიმების შესახებ.
როგორც ჯანდიერმა განაცხადა, აუდიტის სამსახური პაატა ბურჭულაძის პარტიაზე ზეწოლას დაარსების დღიდან ახორციელებს. მისი თქმით, აუდიტის სამსახური არის ხელისუფლების ფინანსური სუს-ი.
”სულ ახლახანს, საქალაქო სასამართლომ შესაბამისი დადგენილებით ჩვენი პოლიტიკური ძალის 4 შემომწირველი დააჯარიმა 10 000 ლარით. ამ საქმესთან დაკავშირებით ფორსირებული შეტევა ჯერ კიდევ დაანონსდა აუდიტის სამსახურის, გენერალური აუდიტორის მხრიდან 2 სექტემბერს, მიუხედავად იმისა, რომ ოთხივე პირს ჰქონდა ყველა ის ფაქტი დადასტურებული, რომელიც მიუთითებდა მათ ფინანსურ შემოსავალზე. აუდიტის სამსახური, რომელიც თავის მხრივ წარმოადგენს ხელისუფლების ფინანსურ სუს-ს, ყველა ზომას იყინებს იმისთვის, რომ ჩვენი შემომწირველების მიმართ ასეთი აგრესიული ქმედებებით მოქმედებდეს. ამას აქვს ორი მიზეზი, ერთი, რომ ის პირები, რომლებიც არიან ჩვენი შემომწირველები და ამავდროულად წარმოადგენენ პარტიის მხარდამჭერებს წინასაარჩევნოდ მათი ბლოკირება და პარალიზება მოახდინონ, ამავდროულად სიგნალი მისცენ სხვებს, რომ არ გაბედონ, არ განახორციელონ შემოწირულება და მხარდაჭერა ჩვენს სასარგებლოდ”, – განაცხადა ჯანდიერმა