თავისუფალი დემოკრატების ქალაქის მაჟორიტარი დეპუტატობის კანდიდატმა წინასაარჩევნო პროგრამა კომბინატის პირველ უბანში მცხოვრებლებს გააცნო და აღნიშნა, რომ რაც უფრო აქტიურ ფაზაში შედის საარჩევნო კამპანია, მით უფრო იგრძნობა დადებითი მუხტი და განწყობა მათი პარტიის მიმართ. ირაკლი ჩიქოვანი დარწმუნებულია, რომ საპარლამენტო არჩევნებში ზუგდიდის ხმა ნებისმიერი პარტიისთვის გადამწყვეტი იქნება.ადგილობრივებმა პარტიის საარჩევნო პროგრამა მოისმინეს და მაჟორიტარობის კანდიდატს ის პრობლემები გააცნეს, რომელიც მათ უბანში აქტუალურია და მოგვარებას ითხოვენ. შეხვედრაზე მოსული ამომრჩევლები ამბობენ, რომ სჯერათ თავისუფალი დემოკრატების და მათი კანდიდატის.საარჩევნო კაპმანიის აქტიურ ფაზაში შესვლასთან ერთად კანდიდატებიც აქტიურდებიან და ამომრჩევლებთან საარჩევნო აგიტაციას ინტენსიურად ატარებენ.