,,ავთანდილიდან ალუდამდე’’ – ასე ქვია საჯარო ლექციას, რომელიც დღეს ცნობილმა ფილოლოგმა ლევან ბერძენიშვილმა წაიკითხა ზუგდიდის არტგალერეაში. ლექცია კონცენტრირებული იყო ლიტერატურულ-მხატვრულ პარალელებზე და ლიტერატურული რემინისცენციების კავშირზე რეალურ ყოფასთან.
ლექციას ესწრებოდნენ ფილოლოგიის სფეროში მომუშავე და განსხვავებული პროფესიის,მაგრამ ლიტერატურული პროცესებით დაინტერესებული, წიგნისმოყვარე ადამიანები, მიუხედავად მათი დამოკიდებულებისა ლევან ბერძენიშვილის პოლიტიკური შეხედულებებისადმი.
,,ლევან ბერძენიშვილს ლიტერატურული საზოგადოება იცნობს როგორც შესანიშნავ მთარგმნელს, ფილოლოგს, ანტიკური ლიტერატურის ისტორიის ერთ-ერთ საუკეთესო სპეციალისტს საქართველოში. მან ეს დღეს კიდევ ერთხელ დადასტურა'' – ამბობს თეა გაბელია, ქართული ენისა და ლიტერატურის პედაგოგი ჩხოროწყუს მუნიციპალიტეტიდან, რომელიც, მისი თქმით, ლექციაზე დღეს ბედნიერი შემთხვევითობის წყალობით მოხვდა.