ევრონიუსის ცნობით, დღეს ბრატისლავაში გაიმართება ევროკავშირის ლიდერების სამიტი, პირველად დიდი ბრიტანეთის გარეშე.
შეხვედრის მთავარი თემებიამიგრაციული კრიზისი, უსაფრთხოების საკითხები და რაც მთავარია, ცხოვრება „ბრექსიტის“ შემდეგ სახელდება.
ევროპის საბჭოს თავმჯდომარის დონალდ ტუსკის განცხადებით, შეხვედრის მიზანია „საერთო მომავალზე პოლიტიკური კონტროლის აღდგენა, სამიტმა სათავე უნდა დაუდოს ევროკავშირში შემავალი ქვეყნების ბედზე უფრო ღრმა დაფიქრების პერიოდს''
„ჩვენ აქ, ბრატისლავაში, სამიტზე და მის შემდეგაც უნდა შევძლოთ ჩვენი მოქალაქეების დარწმუნება იმაში, რომ დიდი ბრიტანეთის გასვლა ჩვენთვის კარგი გაკვეთილი იყო და მზად ვართ დავუბრუნოთ ევროკავშირს
სტაბილურობისა და ეფექტური დაცულობის განცდა“, – განაცხადა ტუსკმა.
სლოვაკეთის პრემიერ მინისტრის რობერტ ფიცოს თქმით, სამიტის მნიშვნელოვანი ამოცანაა შეაჩეროს პესიმიზმის ტალღა და გამორიცხოს სხვადასხვა რეფერენდუმებისა და ევროკავშირის შემასუსტებელი სხვა მცდელობების ჯერი''.
,,ბრექსიტის“ შემდეგ ევროსკეპტიკოსების მხრიდან გამუდმებით მიდის მტკიცება იმისა, რომ ევროკავშირიდან სხვა ქვეყნებიც გავლენ და მისი დაშლა გარდუვალია, რადგან იგი ვერ უზრუნველყოფს უსაფრთხოებას ევროპაში.