,,რესპუბლიკური პარტიის'' ზუგდიდის ოფისში რესპუბლიკელების გამგებლობის კანდიდატმა ირაკლი ქოჩუამ ბრიფინგი გამართა. მისი განცხადებით, „ქართული ოცნების” ზუგდიდის საარჩევნო შტაბი არ ემორჩილება საკრებულოსმიერ 5 აგვისტოს მიღებულ განკარგულებას საარჩევნო პლაკატების გაკვრასთან დაკავშირებით,რომლის მიხედვითაც ერთ სარეკლამო სტენდზე ერთ პოლიტიკურ სუბიექტს აქვს მაქსიმუმ სამი სააგიტაციო მასალის განთავსების უფლება.ზუგდიდის არაერთ სოფელში თითო სტენდზე პარტიის მაჟორიტარი დეპუტატობის კანდიდატის ედიშერ თოლორაიას უამრავი პლაკატია გაკრული. და ეს მაშინ, როცა განკარგულება ხელმოწერილია თავად მის მიერ, საკრებულოს მაშინდელი თავმჯდომარის რანგში.
აღნიშნულთან დაკავშირებით ზუგდიდის მუნიციპალიტეტის გამგებლობის კანდიდატმა ლაშა გოგიამ აღნიშნა, რომ განკარგულება მართლაც მიიღო საკრებულომ, ხოლო რაც შეეხება პლაკატებს, როგორც ჩანს ისინი ამ რაოდენობით თვითნებურად გააკრეს პარტიის აქტივისტებმა და თუ ეს ფაქტი დადასტურდა , პლაკატები ჩამოიხსნება.