დღეს ინტერნეტში  გავრცელდა ჩანაწერი, რომელიც არაოფიციალური ინფორმაციით, „რუსთავი 2“-ის გენერალური დირექტორის, ნიკა გვარამიასა და მოძრაობა „სახელმწიფო ხალხისთვის“ ლიდერის პაატა ბურჭულაძის სატელეფონო საუბარს ასახავს.

ჩანაწერის მიხედვით, აღნიშნული პირები პოლიტიკურ პროცესებზე საუბრობენ, ნიკა გვარამია პაატა ბურჭულაძეს  საყვედურობს”გირჩის” იმ წევრების პოზიციის გამო, რომელიც ”ქართულ ოცნებასთან” კოალიაციაში ყოფნის სურვილს ეხება. თავის მხრივ, ბურჭულაძე გვარამიას პასუხობს, რომ „მსგავსი რამ არ ხდება“.

მიუხედვად იმია, რომ ჩანაწერის ავთენტურობა ოფიციალუირად არჯერ არ არის დადგენილი,   ”რუსთავი 2”-ის გენერალურმა დირექტორმა  საჯაროდ  დაადასტურა  რომ პაატა ბურჭულაძესთან მსგავსი საუბარი ნამდვილად  შედგა.  ”ღია ხაზზე დავრეკე სპეციალურად. არაფერი მქონდა დასამალი და იმიტომ. სამი დღე არ დაჭირდა სუს-ს. აი, ასეთ ქვეყანაში ვცხოვრობთ”, – წერს ნიკა გვარამია სოციალურ ქსელ ”ფეისბუქში”.

 რუსთავი 2-მა უკვე დააანონსა, რომ  ტელეკომპანია გენერალური დირექტორი ნიკა გვარამიადღეს 15:00 საათზე საგანგებო ბრიფინგს გამართავს. ბრიფინგი პირდაპირ ეთერში გავა

ცოტა ხნის წინ შსს-ვებგვერდზე  გამოქვეყნდა განცხადება, რომ დაიწყო გამოძიება ნიკა გვარამიასა და პაატა ბურჭულაძის სატელეფონო საუბრის ჩანაწერის გავრცელებასთან დაკავშირებით:  

"შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს კიბერდანაშაულთან ბრძოლის სამმართველომ, პირადი მიმოწერის, ტელეფონით საუბრის ან სხვაგვარი ხერხით შეტყობინების საიდუმლოების დარღვევის ფაქტზე გამოძიება დაიწყო.გამოძიება პირადი მიმოწერის, ტელეფონით საუბრის ან სხვაგვარი ხერხით შეტყობინების საიდუმლოების დარღვევის ფაქტზე მიმდინარეობს (საქართველოს სსკ-ის 159-ე მუხლით)."- ნათქვამია განცხადებაში.