დემურ სტურუას თვითმკვლელობამდე მიყვანისთვის ბრალდებული პოლიციელი გოდერძი თევზაძე სამართალდამცველებს ჩაბარდა. იგი გუშინ საღამოს ადვოკატთან ერთად მივიდა ქუთაისის საოლქო პროკურატურაში. გოდერძი თევზაძე ბრალს არ აღიარებს და თავს უდანაშაულოდ მიიჩნევს. მან პროტესტის ნიშნად შიმშილობაც დაიწყო. მისი თქმით იგი არ იმალებოდა და იმედოვნებს, რომ გამოძიება ობიექტური იქნება. მან ასევე განაცხადა, რომ არ უცემია დემურ სუტურუა. პარალელურად პოლიციელის ადვოკატი მისი ოჯახისთვის უსაფთხოების მიზნით დაცვის დანიშვნას ითხოვს.თევზაძის ჩაბარების შემდეგ განცხადება გაავრცელა მთავარმა პროკურატურამ. უწყების ინფორმაციით, სამსახურებრივი უფლებამოსილების ძალადობით გადამეტებისა და თვითმკვლელობამდე მიყვანის ჩადენაში ბრალდებული, ძებნაში მყოფი გოდერძი თევზაძე დაკავებულია.სასჯელი 5-დან 8 წლამდე თავისუფლების აღკვეთას ითვალისწინებს. პროკურატურის ინფორმაციით ვინაიდან, გოდერძი თევზაძე თავს არიდებდა გამოძიებას, მას დაუსწრებლად შეეფარდა აღკვეთის ღონისძიების სახით პატიმრობა და იმავე დღეს გამოცხადდა მისი ძებნა.დაკავებიდან არა უგვიანეს 48 საათისა კი პროკურატურა გოდერძი თევზაძეს წარუდგენს ქუთაისის საქალაქო სასამართლოს, ბრალდებულის მიმართ შეფარდებული პატიმრობის ძალაში დატოვების მოთხოვნით.