მთავარისიახლეებიპოლიტიკასაცობები თბილისში და შუქნიშნებზე ამაოდ დახარჯული მილიონები

საცობები თბილისში და შუქნიშნებზე ამაოდ დახარჯული მილიონები

Published on

ზაფხულის დასრულებასთან ერთად თბილისში საცობებმა იმატა. ოპოზიცია კი მერიის უმოქმედობაზე საუბრობს. საკრებულოს ნაციონალური მოძრაობა ბიუჯეტიდან დახარჯულ არამიზნობრივ თანხებსა და იმ შეჩერებულ პროექტებზე ამახვილებს ყურადღებას, რომელიც დედაქალაქში გადაადგილებას კიდევ უფრო ართულებს.
 
ოპოზიცია ერთ-ერთ ასეთ მონაკვეთად ასახელებს სააკაძის მოედანს, სადაც ცოტა ხნის წინ დამონტაჟდა შუქნიშნები.
მათი განცხადებით, მხოლოდ  კონსულტაციაში, უნდა დამონტაჟებულიყო თუ არა აღნიშნულ ტერიტორიაზე შუქნიშნები, თბილისის მერიამ ერთ-ერთ გერმანულ კომპანიას 100 ათასი ლარი გადაუხადა, საბოლოოდ კი აღნიშნული სამუშაოები მილიონი ლარი დაჯდა.  
 
კიდევ ერთი პროექტი, რომელზეც ნაციონალური მოძრაობა ამახვილებს ყურადღებას, მეტეხის ხიდზე მიმდინარე სარეაბილიტაციო სამუშაოებია, რომელიც პარტიის ერთ-ერთი ლიდერის ირაკლი აბესაძის თქმით, ამ დროისთვის შეჩერებულია.  
„სააკაძის მოედანი, სადაც მილიონობით ლარი დაიხარჯა მხოლოდ და მხოლოდ იმიტომ, რომ იქ დამდგარიყო შუქნიშნები, რომლებიც კიდევ უფრო მეტ პრობლემას უქმნის იქ სატრანსპორტო ნაკადების გადაადგილებას და დღემდე ვერც ერთი სპეციალისტი დარწმუნებით ვერ ამბობს, რომ ამ მილიონობით ლარის დახარჯვის შედეგი იყო დადებითი თბილისელებისთვის. მძიმე პრობლემებია მეტეხის ხიდთან მიმდებარე ტერიტორიაზე, სადაც სამუშაოები უნდა დასრულებულიყო აგვისტოს ბოლოს, თუმცა ამის ნაცვლად ჩვენ ვხედავთ, რომ ყველაზე მძიმე პერიოდში, როდესაც სწავლა იწყება და გადაადგილება იმატებს, ჩვენ ვხედავთ დაუსრულებელ სამუშაოებს,“ – აღნიშნავს იარაკლი აბესაძე.
 
ნაციონალური მოძრაობის მიერ დღეს თბილისის მერიის მიმართ გაჟღერებულ ბრალდებებზე კომენტარი თბილისის მერიაში ჯერჯერობით არ გაკეთებულა.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...