ჰილარი კლინტონი თავს უკეთ გრძნობს. ამის შესახებ დემოკრატების პრეზიდენტობის კანდიდატმა CNN-სთვის მიცემულ ინტერვიუში განაცხადა.მან აღიარა, რომ ექიმებმა პნევმონიის დიაგნოზი პარასკევს დაუსვეს, თუმცა მისი გასაჯაროება არც უფიქრია, რადგან ჩათვალა, რომ საქმე არც ისე სერიოზულად იყო.კლინტონის ავადმყოფობის შესახებ მხოლოდ მისი თანაშემწეებისთვის და ოჯახის წევრებისთვის იყო ცნობილი. ამ დროისთვის ის სახლში გადის მკურნალობის კურსს და ექიმების რეკომენდაციით 5 დღე დაისვენებს.კამპანიას განაგრძობს ჰილარი კლინტონის კონკურენტი დონალდ ტრამპი. მან თავის ოპონენტს მალე გამოჯანმრთელება უსურვა და განაცხადა, რომ საკუთარი ჯანმრთელობის შესახებ სამედიცინო შემოწმების შედეგებს საზოგადოებას უახლოეს მომავალში გააცნობს.აშშ-ის პრეზიდენტობის კანდიდატი ჰილარი კლინტონი იმედოვნებს, რომ სამუშაო პროცესს უახლოეს დღეებში დაუბრუნდება.
აშშ-ის “დემოკრატიული პარტიის” პრეზიდენტობის კანდიდატი ჰილარი კლინტონი 68 წლის არის, მისი მთავარი მეტოქე “რესპუბლიკელი” დონალდ ტრამპი კი – 70.