უზენაესი სასამართლოს კოლეგიამ გაავრცელა განცხადება, რომ  რუსთავი2-ის საქმეს განიხილავს, თუმცა ზეპირი მოსმენის გარეშე..

სასამართლოს გადაწყვეტილებას არ ეთანხმებიან  რუსთავი2-ის იურისტები და მენეჯმენტი .

ნიკა გვარამია ამბობს, რომ დაყენდება შუამდგომლობა საქმის ზეპირი მოსმენის ფორმატში განხილვასთან დაკავშირებით.

სამაუწყებლო კომპანიის ადვოკატები თვლიან, რომ თავად ის არგუმენტები, რომელთა მიხედვითაც საქმე წარმოებაში იქნა მიღებული, უკვე იძლევა ურთმელიძისა და სააპელაციოს გადაწყვეტილებების გაუქმების საფუძველს.

თუმცა, პარალელურად ვრცელდება ინფორმაცია მოსამართლეებზე მიმდინარე ზეწოლის შესახებ, რათა საქმე რუსთავი2-ის სასარგებლოდ არ დამთავრდეს. 

რუსთავი2-ის საქმის ზეპირი მოსმენით განხილვისკენ უზენაეს სასამართლოს არასამთავრობო ორგანიზაციების წარმომადგენლებმა და იურისტებმაც მოუწოდეს. მათი განცხადებით, სასამართლომ პრაქტიკით არ უნდა მიიღოს გადაწყვეტილება, რადგან საქმე რეზონანსულია და საზოგადოებას აინტერესებს ის არგუმენტები, რაც მხარეებს გააჩნიათ. მეტიც, მესამე სექტორში ფიქრობენ, რომ, თუ საქმე ზეპირი მოსმენით არ განიხილება, შესაძლოა, აღნიშნულმა ფაქტმა დამატებითი კითხვები გააჩინოს.