მთავარისიახლეებიპოლიტიკაპრეზიდენტი შეცდომებსა და აგრესიაზე, რომელიც საკონსტიტუციო სასამართლოს მიმართ გამოვლინდა

პრეზიდენტი შეცდომებსა და აგრესიაზე, რომელიც საკონსტიტუციო სასამართლოს მიმართ გამოვლინდა

Published on

 შეცდომები და აგრესია, რომელიც გარკვეულწილად საკონსტიტუციო სასამართლოს მიმართ გამოვლინდა, გარდამავალი პროცესის ბრალია, – ამის შესახებ საქართველოს პრეზიდენტმა, გიორგი მარგველაშვილმა საკონსტიტუციო სასამართლოს დაარსებიდან 20 წლისთავისადმი მიძღვნილ  კონფერენციაზე სიტყვით გამოსვლისას განაცხადა.
მისივე თქმით, საკონსტიტუციო სასამართლოს მომავალი არის სრულიად არაპოლიტიზირებული, არის ორიენტირებული მთავარზე, კონსტიტუციის და სახელმწიფოს ფუნქციონირების არაპოლიტიკურ, არა კონიუნქტურულ დაცვაზე.
”ჩვენ ვთქვით, რომ აღვიდგინეთ დამოუკიდებლობა, მაგრამ გზა დამოუკიდებლობიდან თავისუფლებისკენ ჯერ კიდევ გასავლელია. თავისუფლება კი გულისხმობს იმას, რომ ჩვენ თავისუფალი ადამიანების თავისუფალი საზოგადოება შევქმნათ ისეთ პოლიტიკური ინსტიტუტების ფუნქციონირებით, რომელიც ერთდროულად პიროვნების თავისუფლებასაც და ამავე დროს ეფექტურ და ეფექტიან მმართველობას გულისხმობს. ამ გზის გასავლელად ბუნებრივია სახელმწიფო ინსტიტუტების ეფექტური ფუნქციონირება ძალიან მნიშვნელოვანია. მაგრამ მნიშვნელოვანწილად ერთ-ერთი მთავარი ინსტიტუტი, რომელიც უზრუნველყოფს ერთდროულად სახელმწიფოს ფუნქციონირებას და პიროვნების თავისუფლებას, თავისუფალი ადამიანებისგან შემდგარი თავისუფალი საზოგადოების შექმნას, არის სწორედ სასამართლო სისტემა და ამ სისტემაში განსაკუთრებულ როლს თამაშობს საკონსტიტუციო სასამართლო”, – განაცხადა მარგველაშვილმა.
”ამ თვალსაზრისით განსაკუთრებულ როლს თამაშობენ ჩვენი საკონსტიტუციო სასამართლოს მოსამართლეები. წარმოიდგინეთ, რომ ეს არის 9 ადამიანი, რომელსაც გააჩნია ძალიან მაღალი ხარისხის დაცულობა და ჩვენ ამისთვის მადლობა უნდა ვუთხრათ კონსტიტუციის შემქმნელებსაც, შესაბამისი კანონების დამწერებსაც, მაგრამ ამავე დროს, მათ გააჩნიათ უმაღლესი უფლება, შეცვალონ თანამდებობების პირთა, ან ისეთი ძლიერი ინსტიტუტის, როგორიც არის პარლამენტის გადაწყვეტილება, შეცვალონ ის შეხედულებები, რომელიც აქვთ პოლიტიკოსებს და დაგვაბრუნონ იმ ძირითად ჩარჩოებთან, რომელსაც წარმოადგენს ჩვენი კონსტიტუცია”, – განაცხადა გიორგი მარგველაშვილმა.
მისივე თქმით, საზოგადოებამ ახლა გაიგო და ახლა გაიაზრა საკონსტიტუციო სასამართლოს მნიშვნელობა და როლი, ის ძალიან დიდი უფლებები და პასუხისმგებლობა, რომელიც გააჩნია საკონსტიტუციო სასამართლოს მოსამართლეებს.
”ის მართლაც გახდა უძლიერესი ინსტრუმენტი სახელმწიფოს გაძლიერების, ის გახდა სწორედ ის რესურსი, რომელსაც აქტიურად მიმართავენ, როგორც პოლიტიკოსები, ასევე მოქალაქეები. საქართველოს მოქალაქეები, პოლიტიკოსები, სამართალს სწორედ ამ ინსტიტუტში ეძებენ. მინდა შევეხო თქვენ მიერ დასახელებულ საკითხებს. ის შეცდომები და აგრესია, რომელიც გარკვეულწილად გამოვლინდა, ესეც ამ გარდამავალი პროცესის ბრალია და ბუნებრივია, მთლიანად საზოგადოებამ, ისევე როგორც პოლიტიკურმა სპექტრმა სათანადო შეფასება მისცა იმ არასტანდარტულ ქცევებს, რომელიც განხორციელდა რიგ შემთხვევებში საკონსტიტუციო სასამართლოს მიმართ. მე მჯერა, რომ ასეთი თავდასხმების პერიოდი დამთავრებულია. თქვენ ძალიან ხმამაღლა იცავდით ამ ინსტიტუტს და ეს ასეც უნდა ყოფილიყო”, – განაცხადა გიორგი მარგველაშვილმა.
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...