ბათუმში მაჟორიტარობის დამოუკიდებელი კანდიდატი არმაზ ახვლედიანი ბათუმში სარჩევნო ბანერის განთავსების მიზანმიმართულ ხელისშეშლაზე საუბრობს.
სამართალდამცავებსა და ადგილობრივ ხელისუფლების მოქმედებებს აკრიტიკებს და პრემიერ-მინისტრს მომხდარით დაინტერესებისკენ მოუწოდებს.
„მივმართავ საქართველოს პრეზიდენტს, საერთაშორისო ორგანიზაციების წარმომადგენლებს, დამკვირვებლებს, არასამთავრობოებს და ვთხოვ, დაუყოვნებლივ გაერკვნენ ამ საკითხში იმიტომ, რომ ამ აღვირახსნილობამ ლამისაა, უკვე ყველა წაგვლეკოს. მივმართავ აგრეთვე პრემიერ კვირიკაშვილს, რომელიც დღედაღამ თავს იწონებს წინასაარჩევნოდ დემოკრატიული გარემოთი. იქნებ მოიღოთ, ბატონო, წყალობა და დაინტერესდეთ იმით, რა ხდება ჩვენს თავს, რა დღეში არიან თქვენი რეალური ოპონენტები,“ – აცხადებს არმაზ ახვლედიანი.
მმართველი პარტია პოლიტიკური ოპონენტების ბანერებს ებრძვის – ბანერთან დაკავშირებით ინცინდენტი მოხდა გლდანშიც, იქ ენმ კანდიდატის საარჩევნო პლაკატი ჩამოხიეს.