პრეზიდენტმა საკონსტიტუციო სასამართლოს მოსამართლეებად უშიშროების საბჭოს მდივანი, ირინა იმერლიშვილი და პრეზიდენტის ყოფილი საპარლამენტო მდივანი, გიორგი კვერენჩხილაძე, დანიშნა.
განცხადებ აამის შესახებ გააკეთა თავად პრეზიდენტმა ბათუმში მიმდინარე საკონსტიტუციო სასამართლოს 20 წლისადმი მიძღვნილი საერთაშორისო კონფერენციის მიმდინარეობისას სიტყვით გამოსვლისას .
"ირინა იმერლიშვილი და გიორგი კვერენჩხილაძე, ორი მაღალი კვალიფიკაციის იურისტი, ძლიერი და პრინციპული ადამიანები, გააძლიერებენ ჩვენი ქვეყნის დემოკრატიულ განვითარებას, დაიცავენ ადამიანის უფლებებს ამ უნიშვნელოვანეს პერიოდში," – განაცხადა მარგველაშვილმა.
საკონსტიტუციო სასამართლოს თავმჯდომარე, გიორგი პაპუაშვილი, ახლადდანიშნულ მოსამართლეებს დადებით შეფასებას აძლევს და ამბობს, რომ ირინა იმერლიშვილსა და გიორგი კვერენჩხილაძეს დიდი ხანია, იცნობს და იმედი აქვს, რომ ისინი წარმატებულს გახდიან მომავალი 10 წლის განმავლობაში საკონსტიტუციო სასამართლოს.
„დღეს დანიშნულ მოსამართლეებზე მხოლოდ დადებითი შემიძლია ვახსენო. ეს პრეზიდენტის პრეროგატივა იყო და ერთპიროვნულად შეეძლო ამ გადაწყვეტილების მიღება. ორივე კანდიდატურას დიდი ხანია, ვიცნობ და იმედი მაქვს, რომ შეძლებენ, ღირსეულად გააგრძელონ და კიდევ უფრო წარმატებული გახადონ სასამართლო მომავალი ათი წლის განმავლობაში,“ – განაცხადა გიორგი პაპუაშვილმა.
ირინა იმერლიშვილი და გიორგი კვერენჩხილაძე საკონსტიტუციო სასამართლოში ჩაანაცვლებენ გიორგი პაპუაშვილს და კონსტანტინე ვარძელაშვილს , რომელნიც პრეზიდენტის კვოტით ისინი იყვნენ დანიშნული.
მათ უფლებამოსილების ვადა 30 სექტემბერს ეწურებათ.