გაერთიანება ,,თოფაძე -მრეწველები – ჩვენი სამშობლო'' ცესკოს გადაწყვეტილებით რეგისტრაციიდან მოიხსნა. გადაწყვეტილების საფუძველია ის, რომ ბლოკმა არ წარადგინა საარჩევნო სია, მიუხედავად იმისა, რომ სიების წარდგენის ბოლო ვადა გუშინ, სამუშაო დღის ბოლოსა ამოიწურა.
" როდესაც შემოწმდა საარჩევნო ბლოკი ,,თოფაძე მრეწველები – ჩვენი სამშობლოს'', მიერ წარმოდგენილი ბაინდერი, სააღრიცხვო ბარათები, დოკუმენტი და წერილი,აღმოჩნდა, რომ ამ დოკუმენტაციას არ ახლდა პარტიული სია. საარჩევნო კოდექსით საარჩევნო სიის წარმოუდგენლობა გახლავთ რეგისტრაციის გაუქმების საფუძველი და, რა თქმა უნდა, ცენტრალური საარჩევნო კომისიის თავმჯდომარემ უნდა მიიღოს კანონით დადგენილი გადაწყვეტილება,“ – საქართველოს ცენტრალური საარჩევნო კომისიის თავმჯდომარემ თამარ ჟვანიამ.
გოგი თოფაძე და ზურაბ ტყემალაძე არ ეთანხმებიან ცესკოს გადაწყვეტილებას პარტიის რეგისტრაციიდან მოხსნის საკითხზე, მათი მტკიცებით, „მრეწველებს“ ცენტრალურ საარჩევნო კომისიაში ყველა საჭირო დოკუმენტაცია წარდგენილი აქვთ.
,, ახლა ვაპირებ იქ საჩხუბრად მისვლას“, – განაცხადა ტყემალაძემ დრეს დილით მედიისთვის გაკეთებულ კომენტარებში .
ვრცელდება ინფორმაცია, რომ ზურაბ ტყემალაძე და გოგი თოფაძე ამ წუთებში კომისიის ადმინისტრაციას ხვდებიან, მათი მხარდამჭერები ცენტრალურ საარჩევნო კომისიასთან არიან შეკრებილები.