ნატო-ს გენერალური მდივანი და ჩრდილო-ატლანტიკური საბჭო ქართველ კანონმდებლებს შეხვდა.
შეხვედრაზე მხარეებმა ისაუბრეს მომავალ წელს, თბილისში ნატო-ს საპარლამენტო ასამბლეის საგაზაფხულო სესიის გამართვის შესახებ, რაც, მათი თქმით, კიდევ ერთი დადასტურება იქნება იმისა, რომ ბუქარესტის სამიტის გადაწყვეტილება ძალაშია.
,,ნატო-ს და საქართველოს ერთმანეთისგან მხოლოდ საქართველოს ნატო-ში წევრობა აშორებს'' -ეს განცხადება, საქართველოს პარლამენტის თავმჯდომარემ, ნატო-ს გენერალური მდივნისა და ქართველი დეპუტატების ერთობლივ შეხვედრაზე, სიტყვით გამოსვლისას გააკეთა. მან ნატო-ში ინტეგრაციაზე გაამახვილა ყურადღება. პარლამენტის თავმჯდომარის განცხადებით, ქვეყანა აგრძელებს საჭირო რეფორმების გატარებას და აქვს შესაძლებლობა იყოს ნატო-ს საქმიანობის სრულფასოვანი მონაწილე
"საქართველოს პარლამენტს აქვს განსაკუთრებული მიზეზი იყოს ჩართული ამ პროცესებში, ვინაიდან ჩვენ გვაქვს პატივი მომავალ წელს მაისში საქართველოში ვუმასპინძლოთ ნატო-ს საპარლამენტო ასამბლეის სესიასაც,“-განაცხადა დავით უსუფაშვილმა
ნატო-ს გენერალურმა მდივანმა განაცხადა, ვარშავის სამიტი იყო საქართველოსადმი ნატო-ს პოლიტიკური მხარდაჭერის დადასტურება. მისი თქმით, ნატო-საქართველოს ურთიერთობა არ არის ცალმხრივი, ალიანსი ძალიან ბევრს იღებს საქართველოსგან და არა მარტო ავღანეთში. მან ასევე განცხადა, რომ აქტიურია თანამშრომლობა ტერორიზმის გლობალური საფრთხის წინააღმდეგაც.
შეხვედრის დაწყებამდე იენს სტოლტენბერგმა და დავით უსუფაშვილმა პირისპირ ისაუბრეს.