,,რას გულისხმობდა ბიძინა ივანიშვილი, როცა საქართველოს პირველ პრეზიდენტს ზვიად გამსახურდიას მანერები დაუწუნა?''- ასეთი კითხვა დაუსვა GDS-ის პირდაპირ ეთერში ყოფილმა პრემიერს გაზეთ «ზუგდიდის» კორესპონდენტიმა ეკატერინე ფარულავამ.
ყოფილმა პრემიერ მინისტრმა უპასუხა, რომ მას ეს სიტყვა არ უხსენებია და არასწორად გაიგო საზოგადოებამ, რადგან ის დიდ პატივს სცემს ზვიად გამსახურდიას. და თუ თქვა, რომ ზვიად გამსახურდიას მმართველობის პერიოდში გამოცდილება აკლდა, ეს ბუნებრივიას, «ან საიდან უნდა ჰქონოდა გამოცდილება? შემდეგ მათზე ისწავლეს სხვებმა.» 25 წელია მოჯადოებულ წრეზე დავდივართ და ახლა ძლივს მივიღეთ გამოცდილება, რომ სწორედ ამ მთავრობაში უკვე დიდია ზვიად გამსახურდიის მთავრობის მიერ მიღებული გამოცდილების გავლენა. ჩვენ პირველად დღეს მივიღეთ ხელისუფლება მართვის კარგი გამოცდილებით, სწორედ ეს გამოკვეთავს ჩემს მხარდაჭერას დღევანდელი გუნდისადმი. კიდევ ერთხელ ღრმა პატივისცემას გამოვხატავ ზვიად გამსახურდიას მიმართ.-განაცხადა ივანიშვილმა.
გურიის ჟურნალისტებთან საუბარში ბიძინა ივანიშვილმა თქვა:
«შეიძლება, ძალიან გულანთებული იყო და მე ძალიან დიდ პატივს ვცემ ზვიად გამსახურდიას, მაგრამ მართვას უნდა ცოდნა. ასე არ არის, რომ მარტო გიყვარდეს და გული გეწვოდეს. ამავდროულად გამოცდილება და შესატყვისი მანერები უნდა გქონდეს და გუნდი უნდა იყოს დაკომპლექტებული ისეთი ხალხით, ვისაც ხელეწიფება, სწორად მართოს ქვეყანა.»