ზუგდიდის შუალედურ არჩევნებში საკრებულოს წევრობისათვის ,,ირაკლი ალასანია – თავისუფალი დემოკრატების“ სახელით დავით ვერავა იბრძოლებს.
მისი კანდიტატურა პარტიის ერთერთმა ლიდერმა, ქალაქ ზუგდიდის მაჟორიტარი დეპუტატობის კანდიდატმა ირაკლი ჩიქოვანმა დღეს ზუგდიდში, ე.წ. ,,პრესოვკა '' – მახარაძის საარჩევნო უბნის მოსახლეობასთან შეხვედრაზე წარადგინა.
ირაკლი ჩიქოვანმა ხაზი გაუსვა დავით ვერავას საქმიან თვისებებს და მოსახლეობის პრობლემების ღრმა ცოდნასა და მათი მოგვარების ხელშეწყობის უნარს.
თავის მხრივ, დავით ვერავა ამომრჩევლებს პრობლემების მოგვარებას დაჰპირდა და ისაუბრა მოტივაციაზე, რომელმაც განსაზღვრა მისი გადაწყვეტილება კენჭი იყაროს შუალედურ არჩევნებში
„მე კარგად ვიცნობ ზუგდიდის, მათ შორის, ამ კონკრეტული უბნის პრობლემებს. ჩემი კვალიფიკაცია და სამუშაო გამოცდილება მაძლევს საშუალებას, რომ ამ უბნის მოსახლეობას მოვუგვარო არსებული პრობლემები“, – განაცხადა ვერავამ.
დავით ვერავა პროფესიით ინჟინერ-ეკონომისტია, იურისტი. წლებია მუშაობს ბიზნეს სფეროში, აქვს ადგილობრივ თვითმმართველობაში მუშაობის გამოცდილებაც (1998-2002 წლებში იყოზუგდიდის ქალაქის საკრებულოს წევრი ).
,,თავისუფალი დემოკრატების'' წევრია 2009 წლიდან, არის პარტიის ზუგდიდის ოფისის თანადამფუძნებელი და ამჟამინდელი ხელმძღვანელი.
აღნიშნულ საარჩევნო უბანს ქალაქის საკრებულოში მერაბ ქვარაია წარმოადგენდა. მან დეპუტატის უფლებამოსილება 17 აგვისტოს მოიხსნა.
საპარლამენტო არჩევნების პარალელურად ქვეყანაში საკრებულოს შუალედური არჩევნები 8 ოქტომბერს გაიმართება.