რუსეთის მედიის ცნობით, პეტერბურგის „პულკოვოს“ აეროპორტმა მუშაობა განაახლა და მგზავრთა მომსახურება ნორმალურ რეჟიმში მიმდინარეობს.
პოლიციის თანამშრომლებმა რამდენიმე საათის წინ აეროპორტის მოსაცდელიდან მგზავრების ნაწილი და აეროპორტის პერსონალი გაიყვანეს, მათი განცხადებით ეს გადაწყვეტილება უსაფრთხოების ზომებიდან გამომდინარე მიიღეს, და თუმცა ოფიციალური განმარტება არ გაკეთებულა, მედიაში გავრცელდა ცნობა, რომ შემოვიდა ანონიმური შეტყობინება აეროპორტის ტერიტორიაზე ბომბის არსებობის შესახებ.
მგზავრების ევაკუაციის შემდეგ ექსპერტ-კრიმინალისტები რამდენიმე საათს ახორციელებდნენ საძიებო სამუშაოებს აეროპორტის მთელ ტერიტორიაზე, მაგრამ ასაფეთქებელი მოწყობილობა არსად აღმოჩნდა. გარეპერიმეტრზე ამ დრომდე რჩება გაძლიერებული დაცვა.
, ეს პირველი შემთხვევა არ არის, როცა რუსეთის მთავარ აეროპორტებში განგაში ცხადდება. წლინახევრის წინათ ასევე ანონიმური შეტყობინების გამო განხორციელდა მგზავრების ევაკუაცია პულკოვოსა და ვნუკოვის აეროპორტებიდან