მთავარისიახლეებიპოლიტიკაინციდენტი ჯიხაშკარში- სანდრა რულოვსის მოსახლეობასთან შეხვედრის ჩაშლა სცადეს (Video)

ინციდენტი ჯიხაშკარში- სანდრა რულოვსის მოსახლეობასთან შეხვედრის ჩაშლა სცადეს (Video)

Published on

სოფელ ჯიხაშკარში ნაციონალური მოძრაობის მაჟორიტარი კანდიდატის სანდრა რულოვსის მოსახლეობასთან შეხვედრის დროს  ინციდენტი მოხდა. შეხვედრის მსვლელობისას რამდენიმე ახალგაზრდა  ხმაურითა და სტვენით მივიდა იმ ადგილას, სადაც შეხვედრა ტარდებოდა. იყო პროვოკაციის მოწყობის მცდელობა, უცნობი  პირები აგრესიით გამოირჩეოდნენ ჟურნალისტებისა და ოპერატორების მიმართაც, ხელით ეხებოდნენ კამერებს და მიკროფონებს და გადამღებ ჯგუფს მუშაობის საშუალებას არ აძლევდნენ. ადგილზე სამართალდამცავები არ იმყოფებოდნენ, სიტუაციის განმუხტვა კი ადგილობრივებმა მოახერხეს.შეხვედრაზე მოსულმა ადგილობრივებმა სოფლის ცენტრიდან გააძევეს პროვოკაციის მომწყობი ახალგაზრდები. ჯიხაშკარელები ამბობენ, რომ ისინი ადგილობრივები არ არიან და მათ უნდოდათ შეხვედრის ჩაშლა და კორცხელის ინციდენტის გამეორება.ინციდენტზე პასუხისნგებლობა „ნაციონალური მოძრაობის“ მაჟორიტარობის კანდიდატმა ხელისუფლებას დააკისრა. სანდრა რულოვსი მომხდარში სამეგრელო-ზემო სვანეთის გუბერნატორს ადანაშაულებს.ჯიხაშკარის ინციდენტში მონაწილე პირები „ნაციონალური მოძრაობის“ წევრების თქმით, ხელისუფლების მიერ დაქირავებული პროვოკატორები არიან. „ნაციონალური მოძრაობის“  ბრალდებებს აბსურდულს უწოდებს სამეგრელო-ზემო სვანეთის პრესსამსახურის უფროსი პაატა ლაგვილავა. მისი განცხადებით, გუბერნატორი ადგილზე არ იმყოფება და ჯიხაშკარის ინციდენტთან კავშირი არა აქვს.ჯიხაშკარის ინციდენტზე კომენტარი გააკეთეს „ქართული ოცნების“ შტაბში. შტაბის უფროსმა ლაშა გვასალიამ  „ოდიშთან“ სატელეფონო საუბარში აღნიშნა რომ ეს არის სამწუხარო, მაგრამ პროტესტის სამართლიანი გამოვლინება. ლაშა გვასალია ინციდენტში მონაწილე პირების „ქართულ ოცნებასთან“ კავშირს უარყოფს.ჯიხაშკარის ინციდენტი „თავისუფალმა დემოკრატებმა“ და „რესპუბლიკელებმაც“ შეაფასეს. „ერთიანი ნაციონალური მოძრაობა“  მომხდარზე სრულ პასუხისმგებლობას ხელისუფლებას აკისრებს. 
 

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...