ბრიტანეთის პრემიერმინისტრი აცხადებს, რომ ხელახალი რეფერენდუმის ჩატარება ქვეყნის ევროკავშირის წევრობის საკითხზე გამორიცხულია – ,,ბრიტანეთი არ დაბრუნდება ევროკავშირში უკანა შესასვლელიდან, ბრიტანელები შეძლებენ განსაზღვრონ ლონდონის ახალი როლი მსოფლიო პოლიტიკაში'' – განაცხადა მან მინისტრებთან შეხვედრაზე, რომელიც ოთხშაბათს გაიმართა.
,,ჩვენს ეკონომიკაზე ახლა ბევრ რამეს ამბობენ, მაგრამ ხელთა გვაქვს ციფრები, რომელიც მოწმობს, რომ მისი რეაქცია იმაზე უკეთესი აღმოჩნდა ვიდრე მოველოდით რეფერენდუმის შემდეგ , თუმცა ევროკავშირიდან გასვლის შემდეგ მძიმე პერიოდი ელის – ბრექსითის გამო ბრიტანეთის ეკონომიკა სერიოზულად დაზარალდება, ამიტომ ქვეყანა პროცესს მომზადებული უნდა შეხვდეს. ამიტომ ოფიციალური ლონდონი ევროკავშირიდან გასვლის საკითხზე ოფიციალურ მოლაპარაკებებს 2017 წლამდე არ დაიწყებს'' – აღნიშნა ტერეზა მეიმ ა ტელეკომპანია BBC- სთვის მიცემულ ინტერვიუში .
პარალელურად, ლონდონში, ბრექსიტის წინააღმდეგ მასშტაბური საპროტესტო აქცია გაიმართა. ათასობით დემონსტრანტი საკანონმდებლო ორგანოსგან, რომელმაც მუშაობა ორ დღეში უნდა განაახლოს, პროცესის შეჩერებას ითხოვდა.