გუშინ კიშინიოვის აეროპორტში მოლდოვას სასაზღვრო პოლიციამ დააკავა და დეპორტით გამოისტუმრა ე.წ/ აფხაზეთის საგარეო საქმეთა მინისტრის მოადგლე ოლეგ არშბა, რომელიც, აფხაზური მედიის ცნობით, სამუშაო ვიზიტით მიემგზავრებოდა დნესტრისპირეთში რესპუბლიკის ხელმძღვანელობის მიწვევით.
,, მიგვაჩნია, რომ მსგავსი ქმედება აფხაზეთის რესპუბლიკის ოფიციალური წარმომადგენლის მიმართ, დაუშვებელია და დისკრიმინაციული. მივმართავთ საერთაშორისო საზოგადოებას, ობიექტური შეფასება მისცეს მომხდარს და გამოიყენოს თავისი ზეგავლენა მოლდავური მხარის მხრიდან მსგავსი პროვოკაციული ქმედებების თავიდან აცილების მიზნით. '' – ასე გამოეხმაურა ამ ინცინდენტს დე – ფაქტო აფხაზეთის საგარეო საქმეთა მინიტრის მოადგილე კან თანია თავის ფეისბუქ გვერდზე.
ინცინდენტთან დაკავშირებით განცხადება გაკეთდა ,ე.წ. ,,დნესტრისპირეთის რესპუბლიკის" საგარეო საქმეთა სამინისტროშიც. ,, აეროპორტში მომხდარი მეტყველებს მოლდოვას ხელისუფლების სისუსტესა და პოლიტიკურ უმწიფრობაზე. ეს კიდე ერთხელ ადასტურებს , თუ რა პრიმიტიული მეთოდებით ებრძვის მოლდოვის ხელისუფლება დნესტრისპირეთის საერთაშორისო კონტაქტებს. აფხაზეთის რესპუბლიკის საგარეო საქმეთა მინისტრის მოწვევის შესახებ წინასწარი განცხადება გვქონდა გაკეთებული, მაგრამ, მიუხედავად ამისა, უცხოელი სტუმრის მიმართ რეპრესიული ზომები იქნა მიღებული. ვაცხადებთ, რომ მსგავსი ქმედებები და პანიკური დემარშები ხელს ვერ შეუშლის მოძმე სახელმწიფოებთან დნერსტრისპირეთის თანამშრომლობის განვითარებას, ამასთან ეს ხელს არ უწყობს მოლდოვასა და დნესტრისპირეთს შორის მოლაპარაკებების პროცესს. '' – ნათქვამია განცხადებაში.
ცნობისათვის: მოლდოვას ხელისუფლება პრინციპულად ახორციელებს სეპარატისტული, თვითგამოცხადებული რესპუბლიკების არაღიარების პოლიტიკას – სეპარატისტული აფხაზეთის წარმომადგენლების დეპორტირება მოლდოვადან პირველი შემთხვევა არ არის -ზუსტად ერთი წლის წინათ 2015 წლის სექტემბერში მოლდოვის ხელისუფლებამ რეისიდან მოხსნა. , აფხაზეთისა და სამხრეთ ოსეთის დელეგაციები, რომლებიც დნესტრისპირეთის თვითგამოცხადებული რესპუბლიკის დედაქალაქ ტირასპოლში ოფიციალურ ღონისძიებაზე იმყოფებოდნენ. უკან დაბრუნებისას კიშინიოვის აეროპორტში მათი რეისი გააჩერეს, დელეგაციის დეპორტირება მოახდინეს და მოლდოვაში 10 წლით შესვლა აუკრძალეს.
მოლდოვის ხელისუფლების მაშინდელი განცხადებით, ,,დელეგაციის წევრებმა ტირასპოლის ღონისძიებაში მონაწილეობით მოლდოვის სუვერენიტეტი და ქვეყნის ტერიტორიული ერთიანობა შეურაცხყვეს.''