ფრანკფურტის საერთაშორისო აეროპორტის უსაფრთხოების სამსახურის თანამშრომლებმა მგზავრებს შენობის დატოვება მოსთხოვეს. მათი განცხადებით, არსებობს აფეთქების საფრთხე, რადგან პირველ ტერმინალში ერთ-ერთმა მგზავრმა სრულყოფილი შემოწმების გარეშე მოახერხა შესვლა, და როცა მისი შეჩერება სცადეს, ხალხს შეერია და ჩაიკარგა. – იუწყება The Mirror გერმანულ მედიასაშუალებებზე დაყრდნობით .
აეროპორტის დირექცია აცხადებს, რომ მომხდარის გამო შესაძლოა გადაიდოს რამდენიმე რეისი. ამ დროისათვის ევაკუირებულია 1 და 2 ტერმინალები. პოლიცია აცხადებს , რომ მოკლე ხანში ევაკუირებულ მგზავრებს აეროპორტის ტერიტორიაზე შესვლის ნებართვა მიეცემათ, თუმცა ხელახლა მოუწევთ შემოწმების გავლა.