დემოკრატიული ინსტიტუტების და ადამიანის უფლებათა დაცვის ოფისი საპარლამენტო არჩევნების მონიტორინგს საქართველოში დღეიდან იწყებს. ეუთოს სადამკვირვებლო მისია თბილისშია.წინასაარჩევნო პერიოდში მიმდინარე და არჩევნების დღის პროცესებს სულ 350 დამკვირვებელი გააშუქებს. ეუთოს მისია დასკვნებს არჩევნების მეორე დღეს გამოაქვეყნებს.„აქ იმყოფება 12 კაციანი მოკლევადიანი სადამკვირვებლო ჯგუფი. ორშაბათს ჩამოვა გრძელვადიანი ჯგუფი, 26 წევრის შემადგენლობით, ისინი ეუთოს 15 წევრი ქვეყნიდან არიან წარმოდგენილნი. ჩვენი მიზანია, ვითანამშრომლოთ ევროსაბჭოსა და ეუთოს საპარლამენტო დელეგაციებთან. რამდენიმე კვირაში გამოვაქვეყნებთ წინასწარ ანგარიშს და საარჩევნო პროცესის დასრულებიდან 8 კვირაში, საბოლოო დასკვნას გამოვაქვეყნებთ. ჩვენი მიზანია პროცესი შევაფასოთ ობიექტურად,“ – განაცხადა ეუთოს წარმომადგენელმა ალექსანდრე კელტჩევსკიმ.