არ არის გამორიცხული, საკონსტიტუციო სასამართლოს გარკვეული პერიოდი თავმჯდომარის გარეშე მოუწიოს ფუნქციონირება.4 მოსამართლეს, მათ შორის გიორგი პაპუაშვილს უფლებამოსილების ვადა სექტემბრის ბოლოს ეწურება. დეპუტატების ნაწილი ვარაუდობს, რომ ამ თემის განხილვა საკანონმდებლო ორგანოს შემდეგი მოწვევის პარლამენტს მოუწევს.კონსულტაციები პირველი სექტემბრიდან იწყება. სწორედ ამ დროს აპირებს პარლამენტის თავმჯდომარე საკუთარი კანდიდატის დასახელებასაც.კანონმდებლობის მიხედვით, კანდიდატების დასახელების უფლება პრეზიდენტს, პარლამენტსა და უზენაეს სასამართლოს აქვს. საკანონმდებლო ორგანოში პარლამენტის თავმჯდომარესა და უმრავლესობას კანდიდატების ცალცალკე წარდგენის უფლებამოსილება ეძლევათ.ვინ ჩაანაცვლებს საკონსტიტუციო სასამართლოს 4 მოსამართლეს, რომელთაც უფლებამოსილების ვადა სექტემბერში ეწურებათ. სახელდება რამდენიმე კანდიდატურა, რომლებიც შესაძლოა ამ პოსტზე წარადგინონ, მათ შორის არიან ირინე იმერლიშვილი, გიორგი კვერენჩხილაძე და ევა გოცირიძე.