დღეს, 29 აგვისტოს, სასტუმრო „რედისონში“ „ეროვნული ფორუმის“ ლიდერმა, კახაბერ შარტავამ მაჟორიტარობის 17 კანდიდატი წარადგინა. – ინფორმაცია ამის შესახებ ეროვნული ფორუმის ოფიციალურ ვებგვერდზეა განტავსებული. ,,წარდგენილი კანდიდატები გამარჯვებისთვის ყველა რეგიონში იბრძოლებენ – განაცხადა კახა შარტავამ. – წარდგენილებს შორის არიან პარტიის ძველი წევრები და ახალი სახეები.
”გვყავს, რა თქმა უნდა, რაიონებისთვის ცნობილი ადამიანები, რომლებიც მხარდამჭერები იყვნენ ჩვენი, არ იყვნენ ეროვნული ფორუმის წევრები, დღეს გახდნენ და იმედი მაქვს, რომ თავის მოვალეობას კარგად გაართმევენ თავს, ისე როგორც, ამდენ ხანს მთელი ცხოვრების განმავლობაში აკეთებდნენ“ – განაცხადა ეროვნული ფორუმის პოლიტიკური საბჭოს წევრმა, საბურთალოს მაჟორიტარი დეპუტატობის კანდიდატმა რევაზ შავიშვილმა.
დღეს წარდგენილ კანდიდატთა შორისაა ბიძინა ყალიჩავა, რომელიც ფორუმის სახელით წალენჯიხა-ჩხოროწყუს N67 მაჟორიტარულ ოლქში იყრის კენჭს.
დღევანდელი პრეზენტაციით ფორუმმა თბილისის კანდიდატების წარდგენა დაასრულა, ხოლო ქვეყნის სხვადასხვა რეგიონებში კანდიდატების დასახელებას ეტაპობრივად განაგრძობს.