ნაციონალური მოძრაობა უკვე მეორე დღეა დედაქალაქის მთავრობის მეთაურის გადადგომის მოთხოვნით, დეპუტატების ხელმოწერებს აგროვებს. თბილისის მერის იმპიჩმენტისთვის ოპოზიციას უმრავლესობის დეპუტატების მხარდაჭერაც სჭირდება.მერის გადადგომას ნაცმოძრაობასთან ერთად ითხოვენ რესპუბლიკელები, ეროვნული ფორუმი, საკუთარ პოზიციას დღეს გაახმაურებს ბურჯანაძის ფრაქციასაც. უნდობლობის მოთხოვნაზე ხელი უკვე მოწერილი აქვს ალეკო ელისაშვილს.დავით ნარმანიას გადადგომის მიზეზებს შორის ოპოზიცია ქალაქში არსებულ უამრავ პრობლემას – დაპირებული მილიონი ხის ნაცვლად გაჩეხილ მწვანე საფარს, განუხორციელებელ ინფრასტრუქტურულ პროექტებს, გადათხრილ ქუჩებსა და ნეპოტიზმს ასახელებს.ოპოზიციის მოთხოვნისთვის მხარდაჭერას არ აპირებს უმრავლესობა. თბილისის საკრებულოს თავმჯდომარის გიორგი ალიბეგაშვილის განცხადებით, ოპოზიციას ხელმოწერების შანსი პრაქტიკულად არ აქვს.