მიმდინარე წლის 30-31 აგვისტოს, ბუნებრივი გაზის მიწოდება შეუწყდებათ აბაშის, სენაკის, ხობისა და ზუგდიდის მუნიციპალიტეტებში შემავალ სოფლებსა და ქალაქებს – ნათქვამია განცხადებაში, რომელსაც შპს „საქართველოს გაზის ტრანსპორტირების კომპანია“ თავის ელექტრონულ გვერდზე აქვეყნებს.
,,მიმდინარე წლის 30-31 აგვისტოს განხორციელდება „ქუთაისი-სოხუმის“ D-500მმ მაგისტრალური გაზსადენის რეაბილიტაცია. სარემონტო სამუშაოები ჩატარდება კმ.ნ.28+00-დან კმ.ნ.98-მდე მონაკვეთზე. რეაბილიტაციის ფარგლებში აღნიშნულ მონაკვეთზე შეიცვლება ორი DN-500მმ სახაზო ონკანი, ასევე აღდგება კოროზირებული მონაკვეთები და განხორციელდება მდინარე ჯუმის საჰაერო გადასასვლელის რეაბილიტაცია. ასევე მოხდება ახლად აშენებული სექციის შეჭრა.
აღნიშნული სარეაბილიტაციო სამუშაოები უკავშირდება მაგისტრალური გაზსადენების რეაბილიტაციას, რომელიც სისტემატურად ხორციელდება.
შპს „საქართველოს გაზის ტრანსპორტირების კომპანია“ ბოდიშს უხდის მომხმარებელს შექმნილი ვითარების გამო – ნათქვამია განცხადებაში