თბილისის მერი დავით ნარმანია საზოგადოებას ,, მაიმუნი ვირიშვილისთვის” ბოდიშს უხდის

0
386
თბილისის მერი დავით ნარმანია გუშინდელი ინციდენტის გამო საზოგადოებას ბოდიშს უხდის. განცხადება სოციალურ ქსელ Facebook-ში, დავით ნარმანიას ოფიციალურ გვერდზე გავრცელდა. 
„მინდა გამოვეხმაურო მერიაში არასამთავრობოებთან გუშინდელი შეხვედრის დროს მომხდარ ინციდენტს, ბოდიში მოვუხადო საზოგადოებას და ჩემს ამომრჩეველს. ბოლო ერთი კვირაა მერიის თანამშრომლების და ჩემს მიმართ ბევრი შეურაცხმყოფელი განცხადება მოვისმინეთ. გუშინ იყო საქმიანი შეხვედრა და გვსურდა, კონსტრუქციული დიალოგით და საქმიანი წინადადებებით მიგვეღწია შეთანხმებისთვის. თუმცა, ერთ-ერთმა აქტივისტმა სცადა შეხვედრის დესტრუქციულ რეჟიმში გადაყვანა. მე, როგორც თანამდებობის პირს, უნდა შემენარჩუნებინა სიმშვიდე და არ ავყოლოდი ემოციებს, ძალიან ვწუხვარ მომხდარის გამო“, – აცხადებს ნარმანია.
 
თბილისის მერმა დავით ნარმანიამ გუშინ მერიაში გამართულ შეხვედრაზე სამოქალაქო აქტივისტ ირაკლი კუპრაძეს “მაიმუნი ვირიშვილი” უწოდა, რასაც საზოგადოების მხრიდან მერიის კრიტიკა მოყვა. 
 
წინა სტატიაგუბერნიის მესვეურებმა ისაკაძის კონცერტზე დასწრების უფლება ყველა მსურველს დართეს
შემდეგი სტატიანაციონალური მოძრაობის სიის ოცეული ცნობილია
ტელეკომპანია ოდიშის საინფორმაციო სამსახური