იტალიაში მიწისძვრის შედეგად დაღუპულთა რაოდენობა ისევ გაიზარდა. ბოლო ინფორმაციით, გარდაცვლილთა რაოდენობამ 240-ს გადააჭარბა. დაშავებულია 400-მდე  ადამიანი. 

4 300-ზე მეტი მაშველი, მძიმე ტექნიკის დახმარებით ნანგრევებში გადარჩენილებს ეძებს. ინტენსიურად მუშაობენ   კინოლოგები. ამ დროისათვისნანგრევებიდან ცოცხლად არის ამოყვანილი   ათეულობით ადამიანი, მაგრამ   გადარჩენილთა პოვნის იმედი სულ უფრო კლებულობს, გუშინ ნანგრევებიდან ამოყვანილთა 90 % გარდაცვლილია

 დაღუპულთა შორის ბევრი მცირეწლოვანია.

ხელისუფლებამ მიწისძვრის ზონაში არსებულ ყველა დასახლებულ პუნქტთან  გაშალა კარვები უსახლკაროდ დარჩენილთათვის, დაზარალებულები  უზრუნველყოფილი არიან საკვებითა და პირველადი მოხმარების საგნებით. 

გუშინ არკვატა დელ ტრონტოში განმეორებითი ბიძგები იგრძნეს. სეისმოლოგებმის ინფორმაციით ერთერთი ავთერშოკის სიმძლავრე 4,9 ბალი იყო , რის შედეგადაც  რამდენიმე შენობა ჩამოინგრა.