,,ღამის სერენადებზე'' დასწრება თავისუფალი იქნება და ენგურის ორივე მხარეს მცხოვრებ მოსახლეობას კონცერტზე დასწრების საშუალება ექნება. –  აცხადებს სამეგრელო-ზემო სვანეთის გუბერნატორის პრესსამსახური   სააგენტო ინტერპრესნიუსთან საუბარში.  ამ განცხადებით ცდილობს იგი გაანეიტრალოს ადმინისტრაციის კულტურის სამსახურის კურატორის ლალი ჯანჯღავას მიერ თავდაპირველად გავრცელებული ინფორმაცია, რომ   ლიანა ისაკაძის კონცერტს ანაკლიაში მხოლოდ ,, საჭირო ადამიანები",   „შერჩეული“ მსმენელები დაესწრებიან. ეს განცხადება არ ხსნის  კითხვებს, რომელიც არასაჭიროთა კლასიფიკაციაში მოხვედრილ მოსახლეობას  აღუძრა თავდაპირველმა განცხადებამ –     კურატორის ,,ახალი სიტყვა კულტურის დეფინიციაში'' ალბათ არც მიიპყრობდა ესოდენ დიდ ყურადღებას, რომ არა პრობლემა, რომელიც ხელისუფლებაში დაუმსახურებლად მოსული ადამიანების მსოფლმხედველობაში და ადამიანებისადმი მათ დამოკიდებულებაშია.