ბიზნესმენი მინდია გულუა, რომელსაც გუშინ , კრასნოდარის ცენტრში უცნობი პირები დაესხნენ თავს, გარდაიცვალა. მიუხედავად სამხედრო ჰოსპიტალში კვალიფიციური ექიმების მიერ ჩატარებული ურთულესი ოპერაციისა, მისი გადარჩენა ვერ მოხერხდა – სიკვდილი მუცლის არეში მიყენებული მრავლობითი ჭრილობის შედეგად დიდძალი სისხლის დაკარგვამ გამოიწვია.
მინდია გულუა სოხუმელი იყო, ,1992-93წლებში იბრძოდა მშობლიური ქალაქის დასაცავად.
აფხაზეთის ოკუპაციის შემდეგ რუსეთში, კერძოდ კრასნოდარის მხარეში წამოიწყო ბიზნესსაქმიანობა და საკმაო წარმატებითაც, ადგილობრივ რუსულ მედიაში მას ,,არყის მეფედ“ და ,,ქართველ მილიონერად'' იხსენიებდნენ.
2011 წლის ზაფხულში მინდია გულუამ ქართულ პოლიტიკაში ჩართვაც სცადა – შექმნა პარტია ,,საქართველოს განახლებისთვის’’ და 2012 წლის საპარლამენტო არჩევნებშიც გეგმავდა მონაწილეობას , მაგრამ მოგვიანებით ამ განზრახვაზე ხელი აიღო და რუსეთში დაბრუნდა.