დარღვევები ზუგდიდში - ,,სამართლიანი არჩევნების“ ანგარიში

საპარლამენტო არჩევნების მონიტორინგის მეორე შუალედურ დასკვნაში, რომელიც სამართლიანმა არჩევებმა გამოაქვეყნა, საუბარია ამომრჩეველთა მოსყიდვის ფაქტებზე, საბიუჯეტო დაფინანსებაზე მყოფი ორგანიზაციების თანამშრომლების მობილიზების ტენდენციებზე წინასაარჩევნო შეხვედრებისას და სხვა უკანონო ქმედებებზე.ორგანიზაციის ანგარიშში „თავისუფალი დემოკრატების“ ზუგდიდის მაჟორიტარი დეპუტატობის კანდიდატის ირაკლი ჩიქოვანის ბრალდებაც მოხვდა,ჩიქოვანმა 29 ივლისს სპეციალური ბრიფინგი გამართა, სადაც ქალაქის მერია წინასაარჩევნოდ ადმინისტრაციული რესურსის გამოყენებაში დაადანაშაულა.მაშინ მერიაში პარტიის ბრალდებებს აბსურდული უწოდეს.ნ სამართლიანი არჩევნების მონიტორინგის დასკვნაში წერია, რომ ,,ზუგდიდის საკრებულოს გადაწყვეტილებით, რადიოსა და ტელევიზიის მომსახურებისთვის გამოყოფილი თანხა 9 996 ლარიდან 45 900 ლარამდე გაიზარდა“,ორგანიზაციაში მიიჩნევენ, რომ აღნიშნული, შესაძლოა, განვიხილოთ, როგორც წინასაარჩევნო პერიოდში ადმინისტრაციული რესურსების გამოყენება.პოლიტიკური ნიშნით ზეწოლა-მუქარის 4, ფიზიკური დაპირისპირების 2, ამომრჩევლის სავარაუდო მოსყიდვის 3, არაუფლებამოსილი პირის მიერ აგიტაციაში მონაწილეობის 4, ადმინისტრაციული რესურსის გამოყენების 8, წინასაარჩევნოი კამპანიისთვის ხელის შეშლის 4, სიძულვილის ენის გამოყენების 4, ადგილობრივი თვითმმართველობების მიერ სოციალური პროექტებისთვის ბიუჯეტის ცვლილებების 7, საარჩევნო კომისიის წევრების გადაცდომის 3 ფაქტი – ეს კი ის ძირითადი დარღვევებია, რომელიც არასამთავრობო სექტორის დამკვირვებლებმა საქართველოს მასშტაბით გამოავლინეს.მონიტორინგი 17 ივლისიდან 8 აგვისტომდე პერიოდს მოიცავს.

დარღვევები ზუგდიდში – ,,სამართლიანი არჩევნების“ ანგარიში

სიახლეები

მანანა კობახიძემ პარტიების აკრძალვის სარჩელზე განრიდება ითხოვა

საქართველოში პოლიტიკური უკუსვლა მნიშვნელოვნად გაღრმავდა- იოზვიაკი

დევნილ ოჯახებს, ვისაც არ აქვთ მიღებული ბინა შეუძლიათ, კომპენსაციის მოთხოვნა – 10 000 ლარი ოჯახის ერთ წევრზე