"პროცესი არის გამჭვირვალე და საჯარო,"- ასე გამოეხმაურა ცენტრალური საარჩევნო კომისიის თავმჯდომარე , განცხადებებს იმის თაობაზე, რომ   საუბნო საარჩევნო კომისიების დაკომპლექტება დარღვევებით მიმდინარეობს. ჟვანია ამბობს, რომ ეჭვების საფუძველი ამ ეტაპზე არ არსებობს. ,,არასამთავრობო ორგანიზაციების ინფორმაციას დადასტურებული საფუძვლები და გარემოებები არ აქვს, რომ რაიმე კითხვის ნიშნები გაჩნდეს, იმიტომ რომ ტარდება საუბნო საარჩევნო კომისიების დაკომპლექტების საკითხთან დაკავშირებით სხდომები, რომელიც არის გამჭვირვალე და საჯარო," – აღნიშნა თამარ ჟვანიამ.