თურქეთის საგარეო საქმეთა მინისტრი Sputnik – ისათვის მიცემულ ექსკლუზიურ ინტერვიუში რუსეთ – თურქეთის ურთიერთობებზე და საერთაშორისო და რეგიონულ დღის წესრიგში მდგარ აქტუალურ თემებზე საუბრობს. ჩავუშოღლუ ამ კონტექსტში ეხება თურქეთისა და დასავლეთის ურთიერთობებსა და ნატოსთან თანამშრომლობაში წარმოქმნილ სირთულეებსაც.
,,უკანასკნელი 7 – 8 თვის განმავლობაში თურქეთმა და რუსეთმა დაიწყეს მეტი ურთიერთგაგება და ურთიერთდაფასება. თურქეთისათვის რუსეთი დღეს ჩვენი მეგობარია რეგიონში და რუსეთიც ვერ იპოვის თავისთვის უფრო საიმედო მეგობარს, ვიდრე თურქეთია. დღეს, როცა ჩვენი ურთიეთობების მოწესრიგება დაიწყო, ყველა ის ქვეყანა, რომელიც კრიზისის პერიოდში რუსეთთან ჩვენი ურთიერთობების ნორმალიზებას გვირჩევდა, რუსეთთან ჩვენი დაახლოების კვალდაკვალ მოულოდნელად გადავიდა სხვა რელსებზე და არ მალავს უკმაყოფილებასა და შეშფოთებას ამ ფაქტით. ეს სხვა არაფერია, თუ არა ამ ქვეყნების ორპირობის მტკიცებულება – აცხადებს ჩავუშოღლუ.