სანდრა რულოვსმა თავისი სიტყვა განმუხურისა და ანაკლიის მოსახლეობასთან შეხვედრაზე დაიწყო იმით, რომ  ბათუმიდან მომავალმა გზად  შენიშნა  მარკეტი „ლაზიკა“. და  სიმბოლურად ენიშნა ეს ფაქტი . მისი თქმით, მაღაზიის  მეპატრონეს, როგორც ჩანს,  აქვს რწმენა, რომ ქალაქი გაშენდება.

„თვითონ პატარა ლაზიკა ააშენა და ჩვენ ვპირდებით, რომ მოვალთ ხელისუფლებაში და შეწყვეტილი მშენებლობები გაგრძელდება, მათ შორის აშენდება ლაზიკა“, – აღნიშნა მაჟორიტარი დეპუტატობის კანდიდატმა და განმარტა, რომ ეს დაპირებები ქაღალდზე არ დარჩება და უცილებლად შესრულდება.

 

დღეს საქართველოს ყოფილი პირველი ლედი სანდრა რულოვსი ანაკლია-განმუხურის დამაკავშირებელ ხიდზე მოსახლეობას შეხვდა. მასთან ერთად იმყოფებოდა ნიკა მელია, ასევე პარტიის ადგილობრივი ორგანიზაციის ლიდერები. 

შეკრებილებს „ერთიანი ნაციონალური მოძრაობის“ საარჩევნო პროგრამა გააცნეს.  გამოსვლები შეჩერებული ლაზიკის მშენებლობის გაგრძელებასაც ეხებოდა.

 ენმ-ს წევრები ანაკლიიდან   ორსანტიის და კახათის მოსახლეობასთან შეხვედრაზე გაემგზავრნენ.

ხვალ, 19 აგვისტოს სანდრა რულოვსი ჯიხაშკარის, რუხის და კორცხელის მოსახლეობას შეხვდება.