ბოლო 24 საათის განმავლობაში თურქეთში ორი აფეთქება მოხდა. 

პირველი აფეთქება გუშინ  პროვინცია ვანში მოხდა,   პოლიციის განყოფილების შენობასთან აფეთქდა დანაღმული ავტომობილი, რამაც ტელეკომპანია „ალ ჯაზირას“ ცნობით, 7 ადამიანის სიცოცხლე შეიწირა, ხოლო   დაშავებულთა რაოდენობამ 70-ს გადააჭარბა.

იგივე სცენარი რამდენიმე საათის წინ განმეორდა თურქეთის აღმოსავლეთში მდებარე ქალაქ ელაზიგში  -დანაღმული ავტომობილი  ამჯერადაც  პოლიციის განყოფილებასთან ააფეთქეს.

სააგენტო „როიტერის“ ცნობით, დაღუპულია 3, დაშავებულია 120-ზე მეტი ადამიანი.

როგორც თურქეთის თავდაცვის მინისტრმა ფიქრი იშიკმა სააგენტო „ანადოლუს“ განუცხადა, აფეთქების უკან თურქეთში აკრძალული „ქურთისტანის მუშათა პარტია“ დგას.

პასუხისმგებლობა მომხდარისთვის ჯერჯერობით არც ერთ დაჯგუფებას არ აუღია.