დაკარგულთა მშობლებმა მთელი ღამე შავი ზღვის სანაპიროზე გაატარეს. წუხელ უამინდობისა და დაბალი ხილვადობის გამო ძებნის პროცესი შეწყდა და მხოლოდ დღეს გამთენიისას განახლდა. 24 საათზე მეტია, რაც შავ ზღვაში 2 ქართველი სამხედრო დაიკარგა, სამაშველო ღონისზიებებში ჩართული არიან როგორც საქართველოს, ისე უცხოეთის ქვეყნების სპეციალისტები
დღეს ძებნა თურქულ მხარესთან თანამშრომლობით განახლდა. – მაშველები თურქული გემის დახმარებით, რომელსაც სპეციალური აღჭურვილობა აქვს, შეეცდებიან ლოკაციის დადგენას, სადაც სამძებრო-ღონისძიებები უნდა ჩატარდეს.
„ძალიან მნიშვნელოვანია, რაც შეიძლება სწრაფად ვიპოვოთ ბიჭები. ამ თურქულ გემს აქვს სპეციალური აღჭურვილობა, სპეციალური კამერები და ვფიქრობ, ძალიან სწრაფად მოხდება ლოკაციის დადგენა. მთავარია, დადგინდეს ლოკაცია და დაეშვებიან ჩვენი ბიჭები“, – მიმართა აჭარის მთავრობის თავმჯდომარე ზურაბ პატარაძემ დაკარგული სამხედრო კურსანტების ოჯახის წევრებს