სპეციალური ძალების მეთაური, პოლკოვნიკი დიმიტრი კიკნაძე კატეგორიულად უარყოფს გავრცელებულ ინფორმაციას იმის შესახებ, რომ ორი ჯარისკაცის დაკარგვა ზღვაში გონიოში სამხედრო სწავლების დროს უსაფრთხოების ზომების დარღვევას და ტექნიკურ გაუმართაობას უკავშირდება.
კიკნაძის განმარტებით, გამოძიება მიმდინარეობს და შემთხვევის დეტალებზე ვერ ისაუბრებს, თუმცა ამ შემთხვევას არანაირი შეხება არა აქვს ინსტრუქტორების კვალიფიკაციასთან. პოლკოვნიკმა ჟურნალისტებთან კომენტარი საქართველოს პრეზიდენტის გიორგი მარგველაშვილის გონიოში მისვლის შემდეგ გააკეთა
გონიოში, ზღვაში დაკარგული ჯარისკაცის იაგო შარაძის მამა თავდაცვის სამინისტროს უსაფრთხოების ზომების დაუცველობაში ადანაშაულებს. შარაძის თქმით, მისმა შვილმა ცურვა კარგად იცოდა და სავარაუდოდ ინსტრუქტაჟის დარღვევის გამო დაიღუპა.