გამოცემა Independent-ის ცნობით, თურქეთი 38 ათას პატიმარს გაათავისუფლებს იმისთვის, რომ სამხედრო გადატრიალების მცდელობისთვის დაკავებული პირებისთვის ციხეებში „ადგილები გაათავისუფლოს“. 

როგორც თურქეთის იუსტიციის მინისტრი ბექირ ბოზდაგი აცხადებს, უკვე მიღებულია შესაბამისი გადაწყვეტილება,  რომელშიც საუბარია იმ პატიმრების პირობით-ვადამდელ გათავისუფლებაზე,  რომლებმაც დანაშაული მიმდინარე წლის 1 ივლისამდე ჩაიდინეს. 

აღნიშნული ზომა არ შეეხება პატიმრებს, რომლებიც მძიმე დანაშაულისთვის იხდიან სასჯელს.

გასულ თვეს მომხდარი სამხედრო გადატრიალების მცდელობის შემდეგ თურქეთში 35 ათასზე მეტი ადამიანი, სამსახურიდან დათხოვნილია ათასობით ადამიანი,  მათ შორის  2 ათასზე მეტი პოლიციელი, ასობით სამხედრო პირი და საინფორმაციო – საკომუნიკაციო ტექნოლოგიების სამმართველოს თანამშრომელი. Official Gazette ის ცნობით, მიმდინარეობს   ამ სამსახურის ლიკვიდაცია.

ამავე დროს ოფიციალური ანკარა კვლავ დაჟინებით მოითხოვს საბერძნეთის მთავრობისაგან იმ რვა სამხედრო პირის გადაცემას, რომელნიც სამხედრო გადატრილაების მცდელობის შემდეგ ვერტმფრენით გაიქცნენ  საბერძნეთში, ალექსანდრუპოლისის  ტერიტორიაზე,. საბერძნეთის სასამართლომ  ორი თვის პატიმრობა მიუსაჯა  რვავე მეამბოხეს ქვეყნის საჰაერო სივრცის დარღვევისა და საზღვრის უკანონო გადაკვეთისთვის.