ჯერჯერობით უცნობია, როდის ჩატარდება გამგებლების რიგგარეშე არჩევნები ზუგდიდსა და წალენჯიხის მუნიციპალიტეტებში, სადაც თანამდებობები დატოვეს გამგებლებმა ედიშერ თოლორაიამ და გოგა გულორდავამ, რომელნიც „ქართული ოცნება – დემოკრატიული საქართველოს" მიერ მაჟორიტარი დეპუტატობის კანდიდატებად დასახელდნენ ზუგდიდსა და წალენჯიხაში.
„რიგგარეშე არჩევნებს ნიშნავს საქართველოს პრეზიდენტი პრემიერ-მინისტრის კონტრასიგნაციით. არჩევნების დანიშვნის შესახებ განკარგულებას კი პრეზიდენტი გამოსცემს პირების უფლებამოსილების შეწყვეტიდან არაუადრეს 8 და არაუგვიანეს 10 დღისა", – აცხადებენ ცენტრალურ საარჩევნო კომისიაში. შესაბამისად, ამ დროისათვის პასუხისგაუცემელია კითხვა შესაძლოა, თუ არა, გამგებლის რიგგარეშე არჩევნებიც 8 ოქტომბერს, პარლამენტის არჩევნების დღეს დაინიშნოს