სვანეთში მოსახლეობა ტყე-კაფის გამოყოფას და ასევე უკვე გამოყოფილ ადგილებში მანქანის მისასვლელი გზების გაკეთებას ითხოვს.ადგილობრივებმა ამ მოთხოვნით საპროტესტო აქცია სამეგრელო-ზემო სვანეთის სატყეო სამსახურის ოფისთან გამართეს. აქციის მონაწილეები სატყეო სამსახურის უფროსს დაუპირისპირდნენ და პრობლემის დროულად მოგვარებისკენ მოუწოდეს.როგორც აქციის მონაწილეები ამბობენ,ტყე–კაფის საკითხი მოსახლეობისთვის ერთ–ერთი ყველაზე პრობლემურია. მათივე ინფორმაციით, იმ ადგილებში, სადაც ტყე-კაფებია გამოყოფილი ვერც ერთი ტიპის მანქანა ვერ მიდის და ფაქტიურად უმუშევრები რჩებიან.სამეგრელო-ზემო სვანეთის სატყეო სამსახურის უფროსი ამბობს, რომ მოსახლეობის მოთხოვნებს ვერ გაითვალისწინებენ, რადგან ტყე-კაფებში გზების გაკეთება მათ ფუნქციებში არ შედის.აქციის მონაწილეები აცხადებენ, რომ პრობლემის მოსაგვარებლად სატყეო სამსახურს რამდენიმე დღის ვადა მისცეს, წინააღმდეგ შემთხვევაში კი სვანეთში გზის გადაკეტვით იმუქრებიან.
სვანეთში მოსახლეობა ტყე-კაფის გამოყოფას და ასევე უკვე გამოყოფილ ადგილებში მანქანის მისასვლელი გზების გაკეთებას ითხოვს
Published on