სირია-თურქეთის საზღვარზე მომხდარი აფეთქების შედეგად სულ მცირე 15 ადამიანი დაიღუპა და 25 დაშავდა. როგორც სააგენტო „როიტერი“ სირიის ადამიანის უფლებების სადამკვირვებლო ცენტრზე დაყრდნობით იტყობინება, თვითმკვლელმა ტერორისტმა სირია-თურქეთის საზღვარზე, საკონტროლო-გამშვებ პუნქტ ატმეს სიახლოვეს აიფეთქა თავი.ავტობუსში ე.წ. სირიის თავისუფალი არმიის მებრძოლები იმყოფებოდნენ. ტერაქტი სასაზღვრო ზონაში მდებარე ატმეს ლტოლვილთა ბანაკთან მოხდა.