22 წლის დემურ სტურუას თვითმკვლელობამდე მიყვანის ფაქტზე გამოძიება გრძელდება, თუმცა არასამთავრობო სექტორი საქმის შედეგისგან დამოუკიდებლად, ხელისუფლებას მიმართავს და ნარკოპოლიტიკის შეცვლას ითხოვს.მესამე სექტორი სრულ პასუხისმგებლობას შსს-ს აკისრებს და ნარკოპოლიტიკის რეფორმირებას ითხოვს.არასამთავრობო ორგანიზაციების პოზიციით, მსგასი შემთხვევები სახელმწიფოს მიერ განსაზღვრული პოლიტიკის შედეგია და ცვლილებები უწყებრივ და საკანონმდებლო დონეზე უნდა განხორციელდეს.
„მნიშვნელოვანია, რომ ეს საქმე გახდეს მთლიანად პოლიტიკის ცვლილების საფუძველი. სამწუხაროა, რომ ამ დრომდე ვერც ერთმა პოლიტიკურმა ჯგუფმა ვერ აიღო პასუხისმგებლობა ქვეყანაში ნარკოპოლიტიკის ფუნდამენტური ცვლილებისთვის და სწორედ ქვეყანაში არსებული რეპრესიული ნარკოპოლიტიკა ხდება ამ ქვეყანაში ტრაგიკული ფაქტების საფუძველი,“ – განაცხადა ადამიანის უფლებების სწავლებისა და მონიტორინგის ცენტრის ინსტიტუციური რეფორმების პროგრამის დირექტორმა სოფო ვერძულმა.